За неполн месец конечно ќе ја дочекаме премиерата на филмот за кој се крева прашина речиси цела година, „50 нијанси на сиво“. И додека читателите на книгата ќе кажат дека филмот е ништо во споредба со книгата, критичарите ќе се согласат дека музиката е на какво што треба ниво и дека се уште е рано за да коментираме за филмот.
Откако излезе целосната листа на песни кои ќе ги слушнеме во филмот, сега излегоа и две видеа кои и тоа како одговараат за темата на филмот. Видеото за саундтракот „Earned It“, песна која ја изведува The Weeknd, е исполнето со неколку секси девојки кои играат во танги. Во еден момент се појавува и Дакота Џонсон, главната улога во филмот, закачена на јаже во долна облека која не тера да мислиме дали е гола или не.
Покрај ова видео, излезе и видеото за песната „Love Me Like You Do“ од Ели Гоулдинг, во кое има сцени од филмот кои до сега не се видени.
Премиерата на филмот „50 нијанси на сиво“ ќе ја дочекаме на 14 февруари во сите кино сали низ светот.