Документарниот филм за животот на Курт Кобеjн, „Montage of Heck“, премиерно е прикажан на овогодинешниот Sundance фестивал.
Во филмот може да се видат блиски пријатели и членови на семејството на Курт, а меѓу останатите е и басистот на Nirvana, Крист Новоселиќ. Користени се и снимки од интервјуто за магазинот Rolling Stone, кое го води Дејвид Фрик. Трејлерот носи и интимни моменти од животот на музичарот,а особено се интересни деловите кои го прикажуваат Курт како мало момче, но и кога си игра со својата ќерка Францис Бин.
Премиерата на документарниот филм е закажана за 4 мај, а исто така ќе биде објавена и книга која ги следи настаните од документарецот. Во книгата ќе има и ретки фотографии, цртежи, скици и мисли од Курт. Режисерот на документарецот објави дека во филмот ексклузивно ќе биде прикажана и една необјавена акустична снимка на Курт во траење од 12 минути.