Даниел Кајмакоски ќе настапи на Евровизија со англиската верзија на песната „Лисја есенски“, односно „Autumn Leaves“. Иако песната е препеана на англиски јазик, сепак текстот останува ист и раскажува иста љубовна приказна како и македонската верзија.
Анимираниот спот е многу поразличен од сите досегашни спотови на песни кои не претставувале на Евровизија. Во него, пејачот се појавува дури на крајот од видеото, како уметник кој црта цртежи за љубовната приказна која ја пее.
До сега, Даниел има позитивни коментари и е добро прифатен од останатите земји. Но, останува да видиме како ќе се претстави на првата полуфинална вечер на 19 мај во Виена.