Неда Украден ја испеа песната „Zora je“, која публиката многу добро ја прифати и ја пее до ден денеска. Но, по долги години конечно ја откри вистината за таа песна.
Имено, Марина Туцаковиќ, која не е автор на песната, го допишала само стихот „Suza je niz oka kanula“, а преку тој стих заработила 100.000 евра.
- Песната ја напиша покојниот Ѓорѓе Новковиќ и двајцата неколку пати се скаравме за самиот наслов. Прво ја нарековме „Jovane, Zora je“, па „Milane, zora je“, за на крај конечната верзија да остане „Zora je“. Потоа ја повикав Марина која додаде само еден стих во песната, „Suza je niz oka kanula“. Токму тој стих на Марина и донесе заработка од 100.000 евра, изјавила Неда во едно гостување на TV Pink.