За прв пат со програмата „Kad tamburama mangupi popreče put“ генијалниот Ѓорѓе Балашевиќ ќе настапи со концерт во Скопје, соопшти Авалон Продукција на својата официјална страна.
Балашевиќ, познат како миленик на македонската публика бил долго време баран, па затоа тој решил во својата агенда да ја додаде и Македонија.
Секогаш свежиот и актуелен новосадски кантавтор, доаѓа со својата нова програма во која ќе уживаме на 30-ти Октомври во арената Борис Трајковски.
Оваа програма наиде на огромно воодушевување секаде каде што Ѓоле, бендот и тамбурашите го претставија во изминативе година и пол. Задоволството да уживаат досега го имаа во Загреб (5 распродадени сали Ватрослав Лисински), Сараево (Зетра 20.000 посетители), Осијек (10.000 посетители) и Сплит, каде што беше распродадена Арена месец дена пред концертот, а овој пат и ние ја имаме таа прилика.