Фудбалската федерација на Македонија, конечно, наспроти сопствените постојани нереални погледи за финансиска добивка, одлучи нашиот национален тим, но и една од најсилните светски фудбалски селекции Шпанија да ги доближи безмалку до секој домашен фудбалски вљубеник.
ФФМ одлучи билетите за пријателскиот натпревар меѓу Македонија и европскиот шампион Шпанија преку кој на 12 август всушност ќе биде официјално промовиран новиот изглед на нашиот најголем стадион, националната арена "Филип 2 Македонски" да бидат по цена од само 200 денари за Јужната и за новата Северна трибина, односно 100 денари за Источната и Западната трибина.
На почетокот од август ќе бидат пуштени 25.000 билети во продажба колку што ќе биде новиот капацитет на стадионот, 22.000 илјади билети за Север и Југ и вкупно 3.000 билети за Исток и Запад, при што се очекува исполнување до последното место.
Шпанците своето доаѓање во Скопје како дел и од прославата "100 години македонски фудбал" го најавија во најсилниот состав предводени од ѕвездите Фернандор Торес, Давид Виља, Алонсо, Икер Касиљас..., а меѓу гостите најавено е присуство и на голем број поранешни шпански фудбалски ѕвезди.
Натпреварот на 12 август ќе се игра со почеток од 22 часот поради барањето на шпанската телевизија.