Менаџерот на Манчестер Јунајтед, Алекс Фергусон, е во страв да не го загуби својот дефанзивец Немања Видиќ следното лето, пишува лондонскиот весник Тајмс. Истиот извор пишува дека Србинот е цел на Барселона, мадридскиот Реал и Милан, а Ферги воопшто не е сигурен дали ќе успее да го задржи најдобриот дефанзивец во светот, дури и да му понуди нов, побогат договор.
Видиќ од неодамна ги демантираше шпекулациите дека неговата сопруга е незадоволна од животот во Англија, но во едно интервју за локалните медиуми одби да каже дали ќе остане во Манчестер во иднина.
Доколку Србинот одлучи да си замине, Јунајтед нема да остане со празни раце. Неговиот договор е до 2012 година, а најмалата отштета што Фергусон може да го добие е 30 милиони евра, четирипати повеќе од сумата која ја плати за да го донесе на Олд Трафорд.