Неколку играчи на Интер биле особено незадоволни од себичноста на Камерунецот Самуел Ето, Маикон прв проговорил.
Маикон бил сосема незадоволен по поразот во Рим од Рома со 1-0.
"Загубивме поради себичноста во нападот" - изјавил Бразилецот, а не е тешко дека мислел на Ето, кој во неколку ситуации реши соло да оди до крај, наместо да ги проигра своите соиграчи.
Тој е далеку најдобриот стрелец на екипата, но играчите се незадоволни од неговите ставови.
"Кориере дело Спорт" пишува дека Киву полудел бидејќи екипата не трчала доволно, а тој често сам бил оставан по левата страна.
"Или натерај ги трчаат, или извадиме од игра" - му рекол Романецот на тренерот Бенитез, кој го уфрли Мунтари да ја засили дефанзивата.
Изгледа дека суетите кои Мурињо така успешно ги држеше под контрола, сега почнуваат да излегуваат на површина.
Од друга страна, "Ла Газета дело Спорт" и агенцијата "Анса" јавуваат дека денешниот тренинг поради повреда го пропушти македонскиот репрезентативец Горан Пандев, па поверојатно е дека тој нема да заигра на мечот од Лигата на Шампионите против Вердер, отколку дека ќе истрча на теренот.
Така Камерунецот Самуел Ето во среда конечно би требало да ја добие онаа улога која најмногу му одговара, истурен напаѓач.