Последните случувања, посебно оние на средбата против Сарагоса кога беше постојано напаѓан од трибините и провоциран беа причина за Кристијано Роналдо да посака да ја напушти Шпанија.
Иако оваа информација не ја потврдува никој од клубот, ниту, пак, Роналдо, оваа вест веќе е раширена низ медиумите и станува се поактуелна.
Се зборува дека Роналдо не може да го издржи притисокот под кој е подложен на терените. Воедно тој не е задоволен ниту од третманот на судиите бидејќи како главна ѕвезда во таборот на Реал Мадрид смета дека судиите треба да му дадат далеку поголема поддршка на теренот и треба да го заштитат од остри стартови.
Сето ова доаѓа само неколку дена откако беше објавена информација дека во соблекувалната на Реал Мадрид владее поделеност и речиси никој не разговара со Роналдо обвинувајќи го и како главен виновник за високиот пораз од Барселона. Според нив тој игра добро само против послабите тимови, а кога ќе дојде квалитетен противник како Барселона тогаш го снемува на теренот и едноставно се губи.
Дали оваа вест ќе биде шпекулација или наскоро ќе стане вистина ќе биде познато веројатно наскоро кога ќе се знае дали Роналдо ќе си замине од Сантјаго Бернабе по една ипол година претстој.