Репрезентативецот на Уругвај, Единсон Кавани е влезен во списокот на желби на Пеп Гвардиола. Тој одговара на желбите на тренерот на Барселона, а дали трансферот би се случил во текот на јануарскиот преоден рок или, пак, следното лето, засега нема информации.
"Прекрасно е што екипа како Барселона се интересира за мене, но во моментов моите мисли се поврзани единствено со екипата каде што настапувам. Тука се чувствувам одлично. Засега не планирам ништо околу заминување, но би било неверојатно да се најдам во тим како Барселона. Сепак, сето ова заврши од Наполи", изјави фудбалерот.
За Кавани зборува и поранешниот италијански репрезентативец Роберто Донадони, кој има пофални зборови.
"Кавани ги има сите неопходни карактеристики за да игра во Барселона. Тој е висок, силен и многу поразличен од играчите коишто во моментов се кај Каталонците", вели Донадони.