Фудбалерот на Валенсија, Даниел Парехо е главна желба на тренерот на "топчиите", Арсен Венгер за преодниот рок кој ќе почне со првиот ден од новата 2012 година.
Според англиските медиуми Венгер е подготвен да плати седум милиони фунти за да го ангажира младиот фудбалер. Веќе се направени и првите контакти. Минатата недела претставници на Арсенал биле во Валенсија каде што се сретнале со менаџерот на фудбалерот, а кај луѓето од Лондон постои големо задоволство од разговорите.
Парехо игра во одлична форма и сето ова го прави еден од играчите кои ќе бидат во центарот на вниманието во јануари по кого може да тргнат и други тимови.
Инаку, Парехо потекнува од академијата на Реал Мадрид и има пет меча за "кралевите" во Ла Лига во сезоната 2008/2009. Пред три години играше кратко за Квинс Парк Ренџерс, а од 2009 до јуни годинава играше за Гетафе. Летово беше дел од младата репрезентација на Шпанија која стана европски шампион.