Раководството на актуелниот првак на Шпанија и на Европа, Барселона, е во двоумење што да прави во иднина со стадионот на кој ќе ги игра натпреварите. Сандро Росел и другите членови на претседателството на клубот се во размислување да се реновира постоечкиот "Ноу Камп" или да се изгради сосема нов ултрамодерен стадион.
|
|
|
Вака би изгледал "Ноу Камп" | |
И покрај тоа што имаат големи долгови раководството на Каталонците е подготвено да инвестира милиони во изградбата на домот на Барселона. Не е познато колку пари ќе бидат потребни за новата цел, но јасно е дека се работи на проектот кој има рок до 2016 година. Сандро Росел е решен да обезбеди и втор мандат како претседател, а стадионот би бил главен проект.
"Ноу Камп" е стадион кој е домаќин на тимот од 1957 година и постојано се проширува бидејќи неговата конструкција го дозволува тоа. Со оглед на фактот што и овој стадион некогаш е претесен сега се прават напори да биде модернизиран и веројатно проширен, или, пак, да има сосема нов кој ќе создаде простор за доволно голем број фанови на трибините.
Инаку, во својата историја Барселона има играно само на два стадиона. Во 1922 година е изграден "Лес Корт", кој станал тесен со доаѓањето на Ладислав Кубала. Затоа, пак, во 1957 година е изграден Ноу Камп, кој е стадион со најголем капацитет во Европа.