Тренерот на Барселона, Гералдо „Тата“ Мартино ќе си замине од клубот во мај 2014-та година, објави аргентинскиот новинар Фабијан Годој на својот Twitter профил.
Како причина за заминувањето на Мартино од позицијата главен тренер на Барселона по крајот на сезоната се споменува здравјето на 51-годишниот стратег. Новинарот Годој како извори за оваа вест, ги наведе неколкуте анонимни лица блиски до Мартино на кои тој се доверил во изминатите неколку дена.
Додатни аргументи кои новинарот на DirectTV Sports, ги споменал при објавата се и незадоволството од играчите кои Мартино ги има на располагање, односот на медиумите но, исто така и поради фактот што повеќе не се „чувствува удобно“ во тимот.
Тата Мартино беше назначен за тренер на Барселона во јули оваа година по заминувањето на Тито Виланова поради здравствени причини.
За сега нема официјална потврда за заминувањето на Мартино од клубот.