Тјунерите од Тексас се дофатија на најмалиот модел на Lotus и наместо серискиот мотор со 260 KS, му подарија монструозен атмосферски 6,2 литарски V8. Hennessey Performance се прослави со тјунирање на јаките американски возила, а нивниот најнов проект се однесува на сосема друга класа автомобили.
Во малиот Lotus Elise, трансплантирано е срце од Corvette ZR1 – 6,2-литарски V8 LS9 мотор со сила од 640 KS. Купувачите на Venom GT, можат да избираат entry-level ниво на сила од 730 KS или две twinturbo изведби со сила од 1000, односно 1200 KS.
Силата се пренесува преку шестстепенски Ricardo менувач и тоа на задните тркала, опремени со Michelin high-performance гуми. И покрај тоа што во него е вграден масивен V8 мотор, вкупната маса на возилото изнесува 1071 кг, а сето тоа е постигнато благодарение на карбонската каросерија и тркалата.
Петнаесет инчните керамички кочници исто така дава свој придонес, додека за аеродинамиката се грижи активниот аеро-систем со подесувачки заден спојлер и систем на суспензија со регулација во сите параметри.
Дали е ова чиста лудост или пак поставување сосема нови стандарди на гледање на соодносот сила/маса, процените сами, но дефинитивно станува збор за своевидно потврдување на изреката дека отровите се чуваат во мали шишенца.
Производството на Venoma GT е ограничено на 10 примероци годишно, четири веќе се нарачани, а цената за верзијата со најслан мотор од 730 KS изнесува 450.000 евра.