Презервативите се основното средство кое нè штити од несакана бременост и полово преносливите болести. Но, неговата функцијата е потполно бескорисна доколку неправилно го употребуваме.
Предоцна ставен презерватив – многу мажи го ставаат презервативот дури откако ќе почувствуваат дека се пред свршување. Од друга страна малкумина знаат дека во пенисот може да остане сперма по последователно свршување и истата да биде доволна за оплодување.
Превртен презерватив – иако ова звучи бесмислено праксата покажала дека некои припадници на посилниот пол го ставаат кондомот од погрешната страна со што го зголемуваат ризикот од негово пукање.
Два презервативи од еднаш – причината поради која некои двојки ставаат два кондоми е во тоа да бидат позаштитени. Но, вистината е дека на овој начин кондомите полесно може да прснат, а во исто време мажот губи секакво чувство во пенисот.
Прерано ставен презерватив – мажите не би требало да го ставаат презервативот на пенис кој се уште не во полна ерекција бидејќи заштитното средство нема добро да се прилепи за него.
Предолго оставање на презервативот – некои парови сакаат за кратко да се одморат по љубовната игра, па мажот го остава кондомот на себе. Сепак, не знаат дека додека седат така спермата може да ја иритира кожата, но и да остане во пенисот, па при следната партија на секс да дојде до оплодување.
Одмотување на презервативот во рака – ваквиот начин на користење на кондомот го отежнува неговото ставање и лесно може да доведе до пукање.
Презервативи со поминат рок на траење – после предвидениот рок на траење латексот се суши со што поголеми се шансите да се создадат пукантини.
Погрешна големина – избирањето на погрешна големина доведува до пукање или до свлекување од пенисот
Повторно користење – ова е најглупавата работа што можете да ја направите.
Игнорирање на неправилностите – доколку забележите дека кондомот не изгледа како што треба заменете го. Ако по сексот почувствувате дека од некаде протекла сперма веднаш употребете дополнителна заштита.