Новиот гел наменет за машката популација е експлозивен во вистинска смисла на зборот. Група на научници создале производ за ерекција, што содржи високо експлозивен нитроглицерин.
Гелот се втријува во машките гениталии непосредно пред сексот и според неговите креатори е достојна замена за Вијаграта.
Во неговиот состав освен нитроглицерин може да се најдат и други состојки кои треба да му помогнат полесно да се апсорбира во кожата и на тој начин побрзо да дејствува.
Во моментот експлозивниот гел е во тест фаза, во која го испробуваат 200 мажи на возраст од 18 до 70 години кои имаат проблеми со ерекцијата. На некои од пациентите им се дава од гелот, а кај други се користи плацебо со цел да се споредат резултатите.
Тестирањата треба да завршат за неколку месеци, по што се очекува гелот да се најде на пазарот и да може да се зема само со рецепта.