Оргии кои се познати како „секс-рулет“ станаа многу популарни во Шпанија. Имено, еден од учесниците е ХИВ позитивен, а другите не знаат кое е лицето кое може да им го пренесе вирусот, предупредуваат лекарите.
Таквите забави обично се организирани од хомосексуалците, но не се исклучок ниту хетеро и бисексуалните парови. Единствено нешто што ги поврзува е возбудата од неизвесноста дали партнерот со кој имаат секс е ХИВ позитивен или не.
Шпански лекари велат дека на овие забави учесниците земаат и антивирусни лекови за да го намалат ризикот од пренос на вирусот, но таквото однесување е повеќе од неодговорно.
- Луѓето го имаат изгубено стравот од ХИВ вирусот. Особено загрижува фактот дека 24 отсто од младите помеѓу 15 и 25 години воопшто не се плашат од ХИВ. Сè и сешто се случува: Секс, забава, лудории, место каде рулетот може да ви донесе „добивка“ на ХИВ, вели д-р Хозе Малолас од клиника во Барселона за списанието Перодико.
Минатата година, во интервју за српскиот локален весник „Телеграф“ стриптизета која наводно се вика Тијана изјавила дека во Србија е популарен „словенечки рулет“, кој ги има истите правила како и секс рулетот во Шпанија. Воедно и англискиот таблоид „Метро“, пишува дека овој вид на „забава“ потекнува токму од Србија.
- Оваа бизарна варијанта на оргии е многу популарна кај љубителите на екстремниот секс. Луѓето кои доаѓаат се со маски, а еден од нив е заразен со ХИВ вирус. Богатите, организираат вакви секс забави за тајкуните во Србија. Овие луѓе ги возбудува ризикот од тоа дали имаат секс со ХИВ-позитивен партнер , пишува „Метро“ повикувајќи се на изјавата на српската стриптизета.
Лекарите во Барселона апелираат до сите кои се впуштаат во ризични сексуални односи, редовно да користат кондом.