Нагон за мокрење на сред секс?

Колку често ви се случува да бидете во кревет со партнерот, голи и возбудени, подготвени за секс и од никаде да почувствувате потреба за мокрење?

Не грижете се, не сте единствената која се нашла во ваква ситуација. Кога нагонот за одење во тоалет е преголем сосема нормално е да прекинете со она што го правите и да одите по мала нужда. Проблемот потоа е како да се вратите во претходното секс расположени во кое што сте биле пред да ви се оди во тоалет.

Според секс експертите, пенетрацијата врши силен притисок врз мочниот меур, па доколку во него има дури и малку течност, поради притисокот ќе имате чувство дека ви се оди во тоалет. Одредени секс пози го интензивираат ова чувство. На пример постојат големи шанси да почувствувате потреба за мокрење кога сте во кучешка поза.
Понекогаш потребата може да се појави поради друга причина. Ако вашиот партнер соодветно ја стимулира вашата Г-точка до степен на оргазам, може да се појави чувство за мокрење. Ова е уште понепријатна ситуација затоа што точно не знаете дали ќе свршите или пак ќе направите беља.

Доколку оваа ситуација ви се случува често се препорачува редовно да одите по мала нужда пред да се впуштите во акција и да избегнувате секс пози кои ви предизвикуваат чувство за мокрење.