Не ви се потребни особени напори да убедите маж да има секс. Всушност, не ви се потребни никакви напори – само убава жена, а и овој епитет не секогаш е задолжителен.
Експертите спровеле студија со која научно сакале да потврдат дека мажите се подготвени на секс со кого било и каде било, а резултатите кои произлегле не се многу спротивни од оваа претпоставка.
Кога на испитаните мажи им пришла прекрасна непозната жена на улица, цели 97 проценти од нив се согласиле да одат кај неа дома на пијачка, додека, пак, 83 проценти веднаш се согласиле на секс.
Очигледно, низ нивните глави не им минала мисла за разните опасности и закани кои би можело да ги донесе непознато лице, иако се работи за жена.
Но, сепак оваа студија покажала дека кога станува збор за жена со просечен изглед, мажите не се до толку „лесни“. Кога биле застанати од просечна жена, 80 проценти се согласиле да свратат кај неа дома, додека само 60 проценти се согласиле на инстант секс.
Само за споредба, ниту 1 цел процент од жените не се согласиле на истиот предлог кога се промениле улогите.
Иако овие резултати не се многу изненадувачки, загрижувачки е всушност фактот колкав процент од мажите би поверувале на тотален странец и тоа на непознато место, само заради потенцијалната можност да имаат секс.
