Дали знаевте дека понекогаш и вежбањето може да предизвика чувство на оргазам?
Пред неколку години истражување спроведено врз 530 жени покажа дека дури 45 проценти од жените чувствуваат сексуално возбудување за време на вежбањето, а 23 отсто доживуваат целосен оргазам.
Се верува дека определени вежби на телото предизвикуваат контракции во мускулите при што доаѓа до свршување дури и без друг тип на стимулација или фантазирање. Сепак, секоја жена не може да доживее ваков оргазам бидејќи сè зависи од анатомијата на телото како и од типот на вежби кои се прават.
Истражувачите предлагаат да се обидете со следните 5 типови на вежби и да видите што ќе се случи.
Стомачни – овие вежби се корисни за долниот дел од карлицата како и за доживување на поинтензивен оргазам. Легнете на грб, убаво поставете ги нозете на земјата, а потоа поставете ги рацете на телото и започнете да се подигнувате нагоре. Откако ќе го подигнете телото во исправена положба, полека вратете се во првобитната положба така што нема да дозволите главата да ја допре земјата. Повторете ја вежбата во три сета секој со времетраење од 60 секунди.
Подигање и спуштање на нозете – во теретаните постои справа за вежбање на која рацете се во фиксна положба, додека вашата задача е да се потпирате на нив и на тој начин да ги подигате нозете горе –долу. Оваа вежба се препорачува да се повтори 10 до 15 пати во текот на три сета.
Качување- тука се мисли на јаже или дрво при што требате да ги контрахирате мускулите на карлицата.
Кревање мали тегови – застанете со расчекорени нозе и пред секоја нога поставете тегови од 2 или 5 килограми. Потоа наведнете се и во секоја рака земете тег, а потоа подигнете се нагоре, без притоа да ги виткате лаковите. Кревајте и спуштајте 60 секунди и вежбата повторете ја во два или три сета.
Возење велосипед – без разлика дали возите статичен и обичен велосипед триењето на клиторисот од седиштето стимулира оргазам. Возете од 20 до 40 минути и постепено зголемувајте ги брзините.