Секој производител на автомобили како дополнителна опрема секогаш нуди голем број на интересни додатоци и надградби во автомобилите кои ги нуди на пазарот. Шкода овој пат отиде чекор понатаму, воведе посебни сигурносни појаси за домашни миленици.
Безбедносниот ремен е наменет за кучиња кој не само што обезбедува ограничено движење на вашиот миленик, оневозможувајќи му да скока низ целиот автомобил, туку има и безбедносна функција во случај на сообраќајна несреќа спречувајќи или намалувајќи ги повредите, односно ја има истата функција како и безбедносните ремени кај останатите патници.
Чесите направија и посебна простирка која се прикачува на предните и задните седишта и обезбедува тапацирот на вашиот автомобил да остане чист.
Тука е и безбедносната мрежа, која не е некој новитет на пазарот, поставена помеѓу багажникот и патнички простор, но сега Шкода промовира посебна варијанта на мрежата, која багажниот простор го дели на два дела. Во едната половина може да се стави миленичето, а во другата вашите куфери.
Од друга страна гумените простирки за товарниот простор овозможуваат транспорт на предмети кои позади себе би оставиле неред доколку не се постават на гумена подлога.