Audi својот луксузен спортски модел S8 го направи уште помоќен и побрз, па сега новата верзија S8 Plus располага дури со 605 коња, а има максимална брзина од 305 km/h!
Перјаницата на Audi, моделот S8, доби уште помоќна верзија која го носи името S8 Plus, а во однос на стандардниот модел, „Plus“ е побогат за 85 коња, што сега има 605 коњски сили!
Со веќе познатиот 4,0 литарски TFSI битурбо мотор се „исцедени“ импресивни 700 Nm (вртежен момент), односно 750 Nm доколку направите т.н. овербуст. До 100-ка овој монструм на Audi забрзува за само 3,8 секунди, а доколку се отстрани стандардниот лимитер кој ја ограничува брзина на 250 km/h, Audi S8 Plus ќе достигне 305 km/h.
Цената на овој модел е за 28.300 евра повеќе од обичната верзија, односно вкупно 145.200 евра во Германија.