Ново спортско чудо од Mazda за сите вкусови

Офанзивата на Mazda на сите фронтови продолжува, а следен модел кој можеме да го очекуваме е спортскиот кросовер кој би требало да ја понесе ознаката CX-4.

На претстојниот саем за автомобили во Франкфурт, кој се одржува во текот на септември, Mazda премиерно ќе го прикаже новиот концепт на кросовер по името Koeru. Самото име на јапонски значи да се отиде преку границите, а тоа го најавува серискиот модел кој најверојатно би требало да ја носи ознаката CX-4.

Станува збор за возило кое според димензиите се наоѓа помеѓу актуелните CX-3 и CX-5, а се одликува со значително поинаков визуелен настап од досегашните модели на Mazda, воедно со забележителни спортски амбиции.

Иако техничките детали за сега се уште не се познати, се претпоставува дека за погонската единица на овој спортски кросовер ќе се користат моторите кои го движат моделот CX-3, што значи 2,0-литарски SKYACTIV-G бензинец (од 120 и најверојатно 165 коњски сили), како и 1,5-литарскиот SKYACTIV-D турбо дизел мотор, кој во моментов овозможува 105 коња.