Новиот, трет модел во Smart гамата е кабриолетот кој донесува мултифункционално и практично решение за кровот на овој шармантен градски автомобил.
Највпечатлива и најинтересна работа е платнениот кров поради решението кое е дадено од страна на Smart, кој може да се турне наназад во стил на панорамски кров, како кај FIAT 500C, но и во потполност да се тргне.
Платнениот кров со интегралниот заден прозорец се демонтира рачно и се става во багажникот и со тоа добивате прекрасно градско возило за летен период.
Како и стандарниот модел и кабрио верзијата ја движи 0,9 литарски турбо бензинец од 90 коњски сили или 1,0 литарски атмосферски мотор од 70 коња.
Smart Cabrio ќе дебитира на авто-саемот во Франкфурт, додека кон крајот на годината ќе биде позната и цената на оваа верзија, која ќе се продава во почетокот на 2016-та.
