Додека го чекаме моделот Chiron, наследникот на Bugatti Veyron во Франкфурт ќе имаме шанса да го видиме виртуелниот тркачки концепт под името Bugatti Vision Gran Turismo.
По подолго време, на авто-саемот во Франкфурт, публиката ќе може да види што се работи во феноменалната работилница на Bugatti, модел кој треба да биде своевиден омаж на тркачкото наследство на оваа славна компанија, пред се моделот Type 57 Tank коj победи на патеката Le Mans 1937-та и 1939-та година.
Иако е замислен како виртуелен модел, наменет е за ултрапопуларната видео игра Gran Turismo 6, во Bugatti тврдат дека концептот Vision GT во суштина е функционална студија, која нуди увид во некои идни проекти на оваа славна марка.