Оваа година се навршуваат полни 4 децении од како на сцена стапи првата од шесте генерации од серијата 3 на BMW.
Во текот на последните 40 години и шест генерации на овој популарен модел, BMW постави стандард на современи спортски лимузини, посебно дизајнирани со спортска агилност, ефикасност и комфор, создавајќи силна емоционална врска помеѓу спортското возење и ненадминатата секојдневна практичност.
Овие факти ги потврдуваат преку 12-те милиони продадени автомобили ширум светот до сега.
BMW 3 Series има многу интересна историја и необичен развој. Се појави како целосно нова категорија на возила, оправдано носејќи го слоганот „Задоволство во возењето“ и стана еден од најпродаваните модели во премиум сегментот.
Прв пат е прикажан на Мегународниот авто-саем на автомобили во 1975-та година во Франкфурт и веднаш се позиционирал како најпопуларен модел од сите модели на BMW, а воедно оваа серија стана и интернационален бестселер, со што го обезбеди епитетот на бренд амбасадор и влезе во историјата како најнапредно достигнување на германската авто-индустрија.
Денес, како и во 1975-та година кога е лансирана 3-та серија, овие модели претставуваат синоним за висококвалитетно возење со спортски дух и примена на најсовремената технологија.
Најновиот, рестилизиран модел на 3-та серија е во продажба, а е дел од 6-та генерација која започна да се произведува во 2012-та година.
