На авто-саемот во Франкфурт ќе дебитира и новиот VW Tiguan, кој во оваа генерација ќе има дури четири различни верзии.
Неколку денови пред почетокот на Авто-саемот во Франкфурт, Volkswagen со цртежи го најави својот нов Tiguan, кој секако ќе биде ѕвезда на VW поставата. Цртежите, како и неодамнешните „шпионски“ фотографии, ги потврдуваат најавите дека новиот Tiguan ќе биде значително „помускулест“ и поагресивен, т.е. визуелно сличен на идејата за Touareg.
Она што е интересно е тоа што Volkswagen се обидува да произведе три различни верзии на Tiguan, базиран на новата MQB платформа – класичен SUV за пет луѓе, потоа верзија на продолженото меѓуосовинско растојание која собира седум патници, како и Coupe, која се очекува 2017-та година, веројатно по угледот на Range Rover Evoque.
Кога станува збор за моторите, се најавуваат исклучително бензински и дизел мотори опремени со турбо полначи, со основен агрегат 1,4 TSI од 125 коњски сили, додека најсилниот дизел мотор би требало да биде 2,0 TDI од 240 коња, кој ќе се вгради и во новиот Passat.