Шефот на Tesla Motors, Елон Муск неодамна објави дека Tesla Model S автомобилите наскоро ќе добијат надградба на софтверот на верзијата Tesla Version 7.
Со оглед на тоа како нештата изгледаат, тоа впрочем и се случи бидејќи се појави прво видео во кое се гледа како еден обичен корисник го користи во своето електрично возило.
Секако, една од најинтересните карактеристики на оваа софтверска надградба е системот на автопилот, кој овозможува самостојно паркирање, држење на правец внатре во сообраќајната лента, и автоматска промена на ленти.
Стивен Ху, еден од гордите сопственици на Tesla Model S автомобилите, на YouTube објави филм со возење на автопилотот, па сега можете да видите како роботизираниот возач се однесува на автопат.
За жал во видеото не можат да се видат сите можности кои ги носи автопилотот, бидејќи очигледно сопственикот не е во целост уверен во неговите можности.
Веруваме дека наскоро ќе се појават уште многу видеа каде што ќе можеме да видиме повеќе искуства на возачите на малку попрегледен начин.