BMW на овогодинешниот CES го претстави концептот на нивното хибридно „супервозило“, моделот i8
Покрај феноменалниот дизајн, една од најглавните одлики на овој модел е немањето на класични ретровизори, бидејќи на нивно место се поставени видео камери. Тие се со широкоаголни објективи и ги има три – две од страните и една на задниот дел од возилото.
Сликата од сите три се комбинира во дигиталниот ретровизор внатре во автомобилот, кој е со димензии 300x85mm, така што во секое време возачот има увид на она што се случува зад/од страна од него, без ниеден мртов агол.
Камерите имаат систем за детектирање на опасности, па доколку нешто премногу се приближува ќе ви биде прикажано предупредување на ретровизорот. При паркирање, пак, на екранот ќе се појавуваат линии со чија помош полесно ќе го паркирате возилото.
За да не се оштетуваат од нечистотија и отпадоци на патот, камерите ќе бидат изработени од Gorilla Glass.