Porsche ја најави најновата верзија на Boxster при крајот на минатата година, а сега е официјално преставена под новото име Porsche 718 Boxster (додавката 718 е според тркачкиот модел од 60-тите години), помоќна и поефикасна од било која претходна верзија.
На располагање ќе бидат два модела: обичниот со 2 литарски flat-four мотор од 300 коњски сили и 718 Boxster S со 2,5 литарски flat-four мотор од 350 коњски сили. Намалувањето на цилиндрите во однос на претходниот модел (од 6 на 4) значително допринесува за намалување на емисиите на штетните гасови, а возилото е поефикасно бидејќи е за 35 коњски сили помоќно од претходната, 6-цилиндарска верзија.
Во однос на брзината, 718-ката од 0 до 100 км/ч забрзува за 4.7 секунди, додека на 718 S моделот му требаат 4.2 секунди
Најголемите промени во однос на претходната верзија се во надворешниот изглед – новиот Boxster има поголеми отвори за воздух во предниот дел (како и од страните) потенки LED ленти и фарови со поостри линии, и поголеми 19 инчни бандажи.
Задниот дел има комплетно редизајнирани задни светла, како и помал спојлер.
Ентериерот е исто така сменет, но не премногу. Има нови отвори за проток на воздух, нов волан и малку поразлична командна табла. Тука е стандардниот Porsche Communication Management кој овозможува конекција со мобилни телефони, моќен звучен систем и можност да се додаваат Apple CarPlay и останати онлајн сервиси.
Шасијата е активна, па така при купување можете да побарате опционално Porsche Active Suspension Management, кое го спушта возилото за 1 см подолу кај обичниот модел, и 2 см кај S верзијата.
Цените ќе стартуваат од околу 55 000 евра за Boxster 718, и 65 500 за Boxster 718 S