Elibriea е прв концепт на супер-автомобил кој доаѓа од Катар, а продукцискиот модел се очекува да се појави на пазарот до декември
Претставен на овогодинешниот Qatar Motor Show, овој концепт е дело на 27 годишниот дизајнер Abdul Wahab Ziaullah, кој на него почнал да работи уште пред 5 години додека бил студент на Texas A&M во Катар (универзитет каде што се изучува хемиски, електричен, механички и нафтен инженеринг).
Дизајнот е дефинитивно специфичен, со примеси од Lamborghini Veneno и на футуристички, остри форми како автомобилите-роботи од филмовите Transformers. Автомобилот ќе биде направен од carbon fiber (што значи би требало да е прилично лесен во однос на останатите од таа класа),треба да има 6-брзински менувач и мотор (кој ќе се наоѓа на средина) изработен од General Motors (GM) од 800 коњски сили, како и погон на задните тркала. Инаку, претставениот концепт на саемот бил со мотор од 525 коњски сили.
Во форма каква што е, нема да може да се вози на „обични“ патишта – ќе треба да му се смени амортизацијата за да биде одобрен од министерството за внатрешни работи на Катар.
На официјалниот сајт е најавено дека ќе може да се примаат нарачки од март натака, а испораката би почнала околу Декември.