Tesla Model 3 официјално ќе биде претставен на 31-ви март, и според претпоставуваните перформанси, се очекува да е рамо до рамо со ривалите како BMW 3 Series и Lexus IS
Производството и испораките на Model 3 треба да започнат во 2017-та, а минатиот месец директорот на компанијата, Елон Муск, потврди дека нарачките за овој модел ќе бидат овозможени веднаш по неговото официјалното претставување во март. По се изгледа, тогаш ќе биде прикажан само прототип, а не финалната верзија која ќе се појави на пазарот наредната година.
До 31-ви март нема да ги знаеме ни официјалните технички детали, меѓутоа се очекува нивото на перформанси да биде близу до M3 (способно да забрза 0-100км/ч за 4.1 секунди) и M4 моделите на BMW.
Инаку, батериите за Model 3 ќе бидат произведувани во новата гигафабрика на Tesla во Невада која ќе започне со работа подоцна годинава и благодарејќи на усовршената технологија во изминатите две години, ќе бидат помалечки, полесни и ќе имаат по аеро-ефикасен оклоп. Има шанси со едно целосно полнење, автомобилот да може да помине иста километража колку и BMW M3 со полн резервоар гориво ( теориски до 680км), иако Муск вели дека реалистично, тој опсег би бил нешто над 320км.
Се шпекулира дека Model 3 ќе биде за 20% помал од Model S, но исто така и поефтин – почетната цена во UK би била нешто помалку од 40.000 евра, што е „џабе“ во споредба со моделите S и X кои чинат во просек по 65.000 евра.
Во врска со името, Елон веќе ја има споделено анегдотата кога пријател го прашал како ќе го наречат третиот модел, тој рекол најверојатно ќе биде E, бидејќи веќе имаат модели S и X, па сите модели заедно би го спелувале зборот sex. Тоа и ќе се случело, доколку Ford не им се заканиле дека ќе ги тужат бидејќи тие сакале да го користат истото име (Model E)