Ford развива нов систем на предни фарови кои ќе се адаптираат кога ќе биде вклучено долгото светло, со цел да не ги заслепуваат автомобилите и луѓето во кои тоа ќе биде насочено.
Anti-glare (анти-отсјај) новата технологија која ќе биде вградена во долгите светла ќе им овозможува на возачите да гледаат подалеку, без потреба да ги придушуваат светлата секојпат кога пред нив ќе има друго возило. Системот автоматски ќе ја менува светлината користејќи камера монтирана на шофершајбната која ќе биде способна да детектира секаков вид на возила (автомобили, камиони, велосипеди, мотори) на далечина до 800 метри.
Специјално дизајнираните фарови тогаш ќе ја блокираат светлината која привремено би ги заслепила возачите од спротивната насока.
Ford’s Glare-Free Highbeam технологијата ќе работи рамо до рамо со веќе постојната Auto High Beam System технологија и Dynamic LED фаровите на Ford, кои имаат вградено систем кој може да го прилагоди аголот и интензитетот на зракот светлина на едно од седумте подесувања, во зависност од брзината, амбиенталната светлина, аголот на управување, растојанието помеѓу возилата напред и активацијата на бришачите на шофершајбната.
Според еден од истражувачките инженери на Ford, возачите сега се толку загрижени да не ги заслепат останатите со долгите светла, што ретко/никогаш не ги користат. Оваа нова технологија ќе овозможи многу порелаксирано возачко искуство во услови кога патот е исклучително темен.
Сега за сега, Glare-Free Highbeam технологијата ја имаат вградено само S-MAX и Galaxy моделите, додека Ford Edge SUV моделите ќе ја добијат подоцна оваа година.