Renault ја претстави најновата, четврта генерација на нивниот модел Clio – супермини возило кое овој пат е надградено со подобар ентериер, нов избор на мотори, и суптилни измени на надворешноста, а на пазарот треба да се појави во Октомври оваа година.
Надворешните промени се состојат во новите LED фарови, поширока предна решетка, редизајниран заден браник, како и избор на дополнителни бои во понудената палета: Mars Red, Titanium Grey, Arctic White и Iron Blue.
За изработка на ентериерот се користени поквалитетни материјали, со матиран финиш на хромот кој му дава поелегантен изглед. За првпат кај овој модел е вграден BOSE звучен систем, со кој доаѓаат три варијанти на мултимедијален систем, во зависност од верзијата на Clio – тоа се Media Nav Evolution, R-Link Evolution и R&GO системот кој ќе биде вградуван во најосновните верзии.
Подобрен е и сигурносниот пакет – додадени се сензори за паркирање околу целото возило, како и камера на задниот дел (при возење во рикверц). Кај некои модели ќе ја има и опцијата за Handsfree паркирање, која автоматски ќе го паркира возилото за вас.
Изборот на мотори е зголемен со 1.5 литарски dCi дизел од 109 коњски сили и 1.2 литарски TCe бензинец од 119 коњски сили, и двата со 6-брзински мануелен менувач. Најосновниот и најевтин модел, пак, ќе се нуди си 0.9 литарски бензински мотор.
Се очекува и лимитирана продукција на RS 16 верзијата со 2.0 литарски 4-цилиндричен мотор (од моделот Megane RS) кој има 275 коњски сили и мануелен менувач, кој би го заменил сегашниот 1.6 литарски турбо мотор со dual-clutch автоматски менувач.