Иако водородот има покажано ветување како алтернативно решение за гориво, инфраструктурните проблеми кои започнуваат со неговото производство па до неговото чување, ги имаат спречено возилата со погон на водородни горивни ќелии да станат дел од мејнстримот. Сето ова може да се смени со solid-oxide горивните ќелии на Nissan.
Компанијата во Бразил го претстави своето прототип комбе со погон на батерија од 24kwh и водородни горивни ќелии, но кое не се полни со водорот туку со етанол, кој поминува низ реформатор кој потоа го претвора во водород. Со ваков погон, според тврдењата на Nissan, комбето има домет од околу 600 километри (со едно полнење).
Предноста на оваа технологија е што возилата кои ја користат можат да се наполнат на било која бензинска станица која нуди етанол, кој дури не мора да биде ни со 100% чистина, туку може да биде и мешавина од етанол и вода.
Од Nissan велат дека технологијата би била спремна за комерцијална употреба околу 2020-та, но немаат изјавено во кои нивни модели би била вградена, ниту во кои земји би ги нуделе таквите модели.