Mercedes станува дел од „електричната иднина“ со новиот Generation EQ концепт претставен на 2016 Paris Motor Show. Се работи за комплетно електричен SUV модел, изработен на новата скалабилна платформа за која компанијата вели дека ќе се користи за сите нивни нови електрични возила.
Generation EQ има два електрични мотори кои на автомобилот ќе му овозможуваат постојан погон на сите тркала, а системот може да има моќност до до 425 коњски сили, во зависност од користењето. Од компанијата се надеваат дека продукцискиот модел ќе има домет од околу 500 километри (со едно полнење на батериите), притоа задржувајќи ја традицијата на Mercedes - создавање на луксузни и безбедни возила.
Овој модел е најава за новата EQ серија со која ќе биде создаден посебен бренд, слично на i-Divison на BMW.
Иако на саемот беше претставен само концепт, платрофмата за Generation EQ е скоро готова за продукциско производство, и користи комбинација од челик со голема цврстина, алуминиум и carbon fibre за намалување на тежината на возилото, во кое ќе бидат вградени литиум-јонски батерии (ниско во шасијата).
Класичната предна решетка на Mercedes е заменета со футуристичка верзија направена од LED светла, a во тој стил е и целиот ентериер – волан со команди осетливи на допир со кои што се скролува низ разните менија на органскиот LED на командната табла.
Компанијата исто така развива нова технологија за полнење на батериите, со чија помош би се зголемил дометот на автомобилот за дополнителни 160km за само 5 минути полнење.
