Наредната генерација на Porsche 911 е повторно забележана како се тестира, овој пат во снежни зимски услови, во споредба со последниот пат кога е видена на стазата Нурбургринг.
За разлика од тој пат, каросеријата има незначително различен изглед, со задниот браник идентичен како оној од 911 Turbo моделот. Сепак, сè уште е рано да се интерпретира било кое од дизајнерските решенија во контекст на наредната генерација на 911.
Се претпоставува дека Porsche планира поширока подлога за новото 911, со тоа зголемувајќи ја стабилноста, нудејќи подобро управување и возачка динамика, а истото сугерира и на потенцијален модел со хибридна технологија (бидејќи за таа да се имплементира неопходен е поголем простор). Тоа на некој начин го имаат и потврдено инженерите од Porsche кои во интервју имаат изјавено дека планираат хибриден 911 модел, и дека тоа е можно да се случи во некоја од наредните генерации.
„Хибридизирањето“ на Porsche 911 ќе го направи овој модел многу поекономичен со значително редуцирани CO2 емисии, но задржувајќи ги високите перформанси.
Сегашната генерација на 911 сè уште има „живот“ во неа бидејќи последен пат е подновена во 2015-та, а се очекува да се појават и некои нови 991 модели пред да биде претставена наредната генерација на (хибридниот) 911.
