Наречен „WIND” (ветер) овој футуристички концепт на возило кое се движи на вода ја прикажува потенцијалната иднина на Mercedes-Benz. Словачкиот дизајнер Славомир Ожаник инаку веќе има креирано 10 концептуални возила, секое со уникатна и автентична интерпретација на различен бренд.
Стилот на WIND ги позајмува формите директно од дизајнерскиот „прирачник“ на супер-автомобилите на Mercedes - тука спаѓаат познатата предна решетка со логото, но и линиите на ретро-футуристичкиот концепт 2040 на јужнокорејскиот дизајнер Minwoong.
Како што и самото име сугерира, ова возило е напојувано исклучиво од ветер, а јадрото на неговата форма се наоѓа токму во аеродинамиката.
Крилјата кои се наоѓаат на горниот дел ја искористуваат енергијата на ветрот и му овозможуваат на хидровозилото да ја менува насоката на движење, додека долните кријла остануваат под вода и ја овозможуваат стабилноста на возилото.
Моделите на Ожаник можат да им користат како инспирација на производителите на автомобили за да превземаат поголеми ризици, и да дизајнираат возила со драматичен и впечатлив изглед.