Нова верзија на BMW 2 Series која на пазарот треба да се појави подоцна годинава е забележана на шпионски фотографии, а на автомобилот се забележуваат мали дизајнерски ревизии во однос на сегашниот модел, што го потврдува и недостатокот на замаскирани делови.
Разликите се скоро незабележителни – предницата има нови фарови со препознатливата шестоаголна форма (стил кој беше претставен во новата 5 series и моделите кои следуваа по неа), а според замаскираниот дел, најверојатно ќе следат суптилни измени на предната решетка, како и на изгледот на задните фарови.
Според фотографите кои се автори на сликите, кабината била покриена, што сугерира дека најголемите измени ќе бидат токму во неа. Доколку се суди според фејслифтот на 4 Series, кај новата 2 Series може да се очекуваат нови трим материјали, како и подобрување на infotainment системот со последната верзија на iDrive, како и на системите за асистенција на возачот.
Не се очекува дека BMW ќе ги променат моторите, имајќи в предвид дека тие беа подобрени многу скоро кај оваа серија – тоа значи дека на располагање најверојатно ќе бидат опциите помеѓу неколку 4-цилиндрични турбо бензински и дизел мотори.
Новата BMW 2 Series се очекува да започне со продажба ова лето.