Комплетно електрична верзија на SEAT Mii градскиот автомобил најверојатно ќе биде првиот „излет“ на SEAT во светот на електрификацијата на автомобилите, а на пазарот треба да се појави во 2019-та.
Шпанскиот бренд е во дилема која хибриден или комплетно електричен автомобил да го претстави прв на пазарот - електричната верзија на Mii, plug-in хибридот Leon, или некое сосема ново електрично возило. Извори од компанијата велат дека нивното прво електрично возило ќе биде базирано на денешната технологија (MQB шасијата за Leon или NSF шасијата за Mii), а не на сосема новата MEB електрична архитектура која VW Group ја има развиено за нивната флота од нови електрични возила.
За да SEAT бидат конкурентни на пазарот, ќе биде неопходно овие возила да чинат околу 20 000 евра, особено оние кои ќе бидат наменети за европскиот пазар.
Електричниот Mii Ќе ја користи идентичната основна технологија од VW e-up!, а по него ќе следи уште едно комплетно електрично возило кое ќе биде базирано на MEB архитектурата, со цел да се искористи предноста на инвестициите кои VW Group ги прави во однос на електричните батерии.
Инаку, прво возило со оваа архитектура ќе биде продукциската верзија на VW I.D концептот кој дебитирање на неодамнешниот Paris Motor Show. MEB платформата ќе биде на располагање на поширокиот дел од VW Group како дел од реализирање на планот за постоење на „над 30“ електрични возила произведени од групата до 2025-та.