Mercedes ја привлекуваат публиката на 2017 Geneva Motor Show со нивниот нов концепт со 4 врати, AMG GT. Овa лимузинско купе е предвесник на продукцискиот ривал на Porsche Panamera, кој на пазарот треба да се појави во 2018-та.
AMG GT ќе биде првиот модел кој ќе ja користи етикетата EQ Power+, која означува дека се работи за хибриден модел кој користи микс од бензинска и електрична моќ за постигнување на максимални перформанси.
Дизајнот е сличен со сегашното AMG GT купе, со долгата и закривена хауба. Тука се и деталите како “Panamerica” вертикалниот дизајн на предната решетка, и тенките задни фарови. Концептот има централно поставен ауспух со заден дифузер од јаглеродни влакна, додека рачките од вратата се како оние кај Tesla моделите – тие се внатре во вртата и по потреба се извлекуваат нанадвор.
За подобрување на аеродинамичноста на AMG GT концептот, поставени се скриени камери на местата каде што на „обичните“ возила стојат надворешните ретровизори, како и подвишни радијаторски ролетни во отворите за довод на воздух кои го насочуваат каде што е потребно за максимална ефикасност – како кај AMG GT R.
Во изложениот концепт модел е вграден познатиот AMG 4.0 литарски twin turbo V8 мотор во комбинација со електричен. Не се знаат детали околу моќноста, но се очекува таа да е поголема од 600 коњски сили, а забрзувањето од 0-100км/ч би било за помалку од 3 секунди.
Во AMG GT би бил вграден 4MATIC+ погонот на сите тркала, кои моќноста на возилото ќе ја прераспределува на секое индивидуално тркало за да помогне при стабилноста и одржување на брзината во кривините.
Батерискиот систем ќе биде превземен од технологијата која ја користат Mercedes F1 автомобилите, за кој од AMG велат дека е помоќен од конвенционалните хибридни батерии, но истовремено е покомпактен и полесен.
Возилото ќе може да се движи само на електричен или на бензински погон, како и на комбиниран кој ќе биде стандарден.