Серијата 8 на BMW ќе се врати во облик на голема луксузна лимузина, a ексклузивните слики и шпионските фотографии покажуваат како најверојатно ќе изгледа. Во минатото имаше објави дека оваа серија ќе го доживее камбекот во мај 2016 како ривал на Mercedes S-Class купето, а дури сега е забележана како се тестира во јавност.
Фотографиите покажуваат каросерија на големо купе, со стил сличен на оној на помалата серија 4, со препознатливата предна решетка на BMW. Се работи за автомобил со две врати, долга предна и задна секција и „пресечена“ задница слична на моделите од сегашната серија 6.
Повеќе детали се откриваат преку записите со кои се води евиденција на трговските марки, кои покажуваат дека BMW поднеле апликации за регистрација на имињата т.е бројките поврзани со оваа серија, вклучувајќи ги 825,830,835,845,850,860 и М850.
Одлуката на BMW да ја вратат назад серијата 8 е поради промената на концептот на она што серијата 6 треба да го претставува. Компанијата претходно немала ривал на Porsche 911, и претпочитала серијата 6 да биде поголем и потежок GT. Но со појавувањето на Mercedes AMG GT се појавила уште поголема конкуренција на пазарот, па BWM решиле нивната серија 6 да им биде ривал на овие модели, како агилен автомобил со две седишта. Со ова, се отворил пат за новата серија 8.
Компанијата исто така поднела апликација за регистрирање на M8, сигнализирајќи потенцијално враќање на продукцискиот модел. BMW имале креирано прототипи со V12 мотор (кој подоцна има завршено во McLaren F1) кај оригиналната серија 8, но проектот бил отфрлен поради немање доволно голема побарувачка од муштериите.
Новиот M8 (кој веќе е забележан на шпионски фотографии на траката во Нурбургринг ) би бил ривал на Merecedes AMG S63 купе и слични модели, а во него би се вградувал 4.4 литарски V8 Мотор од над 450 коњски сили, овозможувајќи V12 моторот од серијата 7 да се користи во „обичните“ модели од серијата 8, како 850 и M860.