Skoda на 2017 Shangai Motor Show ќе претстави мал увид во радикално новото електрично возило наречено Skoda Vision E концепт.
Официјалните тизер слики објавени од компанијата покажуваат дека автомобилот ќе биде купе со 4 врати, а нејзиниот шеф Бернхард Мејер потврдил дека продукциска верзија на Vision E ќе се појави во продажба до 2020-та.
Моделоте базиран на MEB платформата на VW Group (врз која е изработен и I.D концептот на VW) ќе биде првиот од програмата на Skoda за 5 комплетно електрични автомобили кои на пазарот треба да се појават до 2025-та. На нив ќе им се придружат голем број на plug-in хибридни верзии на моделите како Superb, Kodiaq, Yeti и Octavia.
На предницата доминира новата т.н „Skoda линија“ т.е светло кое ги поврзува двата предни LED фарови, додека на задниот дел е апстрактна интерпретација на познатите фарови на Skoda со С-форма. Концептот има 21 инчни тркала.
Должината од 4645mm и висината од 1550mm значат дека возилото ќе биде помалечко од Kodiaq моделот (кој е со димензии 4697x1676mm) , но и пошироко од него – 1917mm во споредба со 1882mm.
Меѓуоскиното растојание на Vision E концептот изнесува 2850mm што е поголемо од она на Kodiaq (2791mm), што значи дека во футуристичката кабина ќе има голем простор.
На командната табла ќе доминира голем 12 инчен touchscreen со најнапредната конективност досега видена кај било кој модел на Skoda. Централната конзола ќе нуди дополнителни контроли, а на располагање ќе биде и heads-up дисплеј.
Vision E ќе биде напојувано од два електрични мотори со вкупна моќност од 225kW (306 коњски сили), погон на сите тркала, максимална брзина од 180км/ч и домет до 500km со едно полнење на батеријата. Концептот исто така го сигнализира првиот значаен чекор на Skoda во светот на автономното возење, со автономност со Level 3 – тоа значи дека возилото ќе може независно да се контролира во сообраќаен метеж, да се префрли во автопилот на автопат, како и самото да бара празен паркинг простор и да се паркира.