Серијата 1 на BMW е огромен успех за компанијата од нејзиното прво претставување во 2004, а на пазарот треба да биде претставена при крајот на наредната година, пред да започне да се продава во 2019. Од сликите се забележува дека ќе изгледа многу слично на моделот кој го менува, со тоа што наместо погон на задните, ќе има погон на предните тркала.
Новата серија 1 ќе ја користи UKL платформата вградена во BMW X1 и MINI автомобилите, а поголемото оскино растојание ќе значи и повеќе простор за патниците на задните седишта како и зголемен волумен на просторот во багажникот. Во споредба со сегашните, моделите од новата серија ќе бидат и незначително повисоки и пошироки.
Новата платформа ќе донесе предности и во погледот на практичноста и намалување на тежината, но љубителите на побрзите M модели ќе бидат разочарани – бидејќи UKL платформата е компактибилна само со моторите со 4 цилиндри, тоа значи дека наредниот M140i ќе има мотор со 4 наместо 6 цилиндри. Покрај тоа, погонот кај овие модели ќе биде xDrive – на сите тркала, наместо само на задните, што значи дека ќе бидат директен ривал на VW Golf R, Mercedes-AMG A45 и Ford Focus RS.
Моторите кај останатите модели од серијата 1 ќе бидат од линијата на MINI и X1. Основните варијации најверојатно ќе го носат беџот 116d и ќе имаат подобрена верзија на 1.5 литарскиот дизел мотор со 3 цилиндри на BMW, додека турбо бензинецот со 3 цилиндри ќе ја носи ознаката 118i. Поголемите и помоќни 2.0 литарски 4-цилиндрични бензински и дизел мотори ќе бидат именувани 120i и 120d.
BMW ќе го искористи лансирањето на новата серија 1 и за пошироко претставување на iPerformance линијата, на која на 5-те други plug-in хибридни модели ќе и се придружат електрифицираните модели од серијата 1 користејќи подобрена верзија на моторите од MINI Countryman Cooper E, кои ќе бидат комбинација од 1.5 литарски турбо бензиски и помал електричен мотор, потрошувачка од повеќе од 55km/l, и CO2 емисии под 50g/km.
По претставувањето на новата серија 1 се очекуваат и нови верзии од купе и кабриолет моделите од серија 2, при крајот на 2019, кои исто така ќе имаат погон на предните тркала.