Новата серија 1 на BMW ќе биде претставена доцна во 2018, а Audi ќе ја дочекаат со „свеж“ противник во форма на најновите A3 модели. Популарниот автомобил ќе дебитира во хечбек, салон, а подоцна и купе форма.
A3 е еден од најдобро продаваните модели на Audi благодарејќи на разноликоста на стиловите, тримовите, и моторите, па така и кај најновото издание ќе биде употребена истата формула, со тоа што стајлингот ќе биде поблизок до најновото издание на A4.
Како и претстојниот VW Golf Mk8, новиот А3 ќе ја користи подобрената MQB платформа на VW Group, додека технологијата од ентериерот најверојатно ќе биде превземена од A4. Дигиталните брзиномери од дигиталниот кокпит би требало да бидат на располагање кај повеќето модели од оваа серија, како и опции како безжично полнење на мобилните уреди и WiFi hotspot-и.
Благодарејќи на MQB платформата, ќе бидат понудени мноштво мотори – повеќето од нив ќе бидат подобрени верзии на постоечките (кои сè уште не се застарени), турбо бензински и дизел во верзии со 3 и 4 цилиндри. Во план е и plug-in хибриден e-tron модел, како и S3 и RS3 варијанти кои би се појавиле во 2020-та год. или подоцна.
Новиот А3 се очекува да биде прикажан подоцна наредната година пред да пристигне во салоните во првата половина на 2019, а цените би биле нешто поголеми од оние на сегашниот модел – од околу 23 400 евра нагоре.