Peugeot ја претставија верзијата за 2017-та на нивниот модел 308, кој во продажба ќе се појави во септември (во 308, 308 SW и 308 GTI варијациите), а доаѓа со стилски подобрувања, нова технологија и нов избор на мотори.
Подновениот дизајн се карактеризира со нов вертикален аранжман на предната решетка со Peugeot беџот монтиран на средина, нов, поагресивен преден браник со 3 решетки, како и нови фарови со интегрирани дневни светла кои креираат нов препознатлив „потпис“ кога се вклучени. На ист принцип се изработени и задните фарови.
Во кабината има нов систем за 3D сателитска навигација со контроли кои се активираат со говор, а Peugeot ги унапредиле и системите за асистирање на возачот, кои се превземени од 3008 SUV моделот – сега е на располагање систем за автоматско кочење во итни случаи, систем за предупредување при менување на ленти, адаптивна контрола на крстарење со стоп функција, препознавање на ограничувањето на брзината на одредени патишта, и систем за надгледување на слепите точки.
Подновениот infotainment систем доаѓа со 9.7 инчен touchscreen кој вклучува опции за поврзување со смартфони – Mirrorlink, Android Auto и Apple CarPlay.
Подобрен е и 1.2 литарскиот 3-цилиндричен бензински мотор кој сега емитира помалку CO2, и е спарен со нов 6-брзински мануелен менувач.
На располагање ќе биде и нов мотор – BlueHDi 130 S&S 4-цилиндричен турбодиел, додека BlueHDi 180 S&S моторот кој е ексклузивен за 308GT моделот сега ќе доаѓа со EAT8 автоматски менувач.
