Porsche го претставија лимитираното издание на моделот 911 Turbo S, кој е нивниот најмоќен турбо модел досега.
Наречен Porsche 911 Turbo S Exclusive Edition, овој автомобил е лимитиран на само 500 возила низ целиот свет, а цената му почнува од околу 240 000 евра – што е над 50 000 евра повеќе од стандардната верзија на 911.
За дополнителната цена, купувачите ќе добијат 911 Turbo S со надополнувања во дизајнот, како и помоќен twin-turbo 3.8 литарски мотор од 607 коњски сили, 750Nm вртежен момент, забрзување од 0-100км/ч за 2.9 секунди и максимална брзина од 330км/ч.
Како дел од стандардната опрема, овој модел ќе доаѓа со Sport Chrono пакетот како и системи за активно управување на суспензијата и динамична контрола на шасијата, а визуелно, меѓу другото, од обичната 911-ка ќе се разликува по уникатната металик златна боја (покрај изборот од други бои), тркачките ленти на кровот и хаубата, како и новите 20-инчни црни бандажи со златни детали.
Во кабината, дел од стандардната опрема ќе бидат Sport Seats Plus на Porsche, но изработени од два слоја перфорирана кожа од која внатрешниот слој ќе има златни ленти.
„Во комплет„ со автомобилот, купувачите ќе можат да се подноват и со Porsche Design Chronograph 911 Turbo S Exclusive Series часовник кој исто така ќе биде лимитиран на 500 парчиња, и ќе чини околу 11 000 евра.
