Toyota претставија уште еден од нивните концепти од Tokyo Motor Show, наречен Fine-Comfort Ride, напојувано водородни горивни ќелии.
Toyota Fine-Comfort Ride е долг хечбек – со должина од 483cm е за околу 30cm подолг од моделот Prius
Меѓуоскиното растојание е значително поголемо отколку на Mirai, кој е нивни постоечки модел со идентично напојување и изнесува 345cm што е за околу 30cm поголемо од она на продолжениот Mercedes S-Class модел. Fine-Comfort Ride е и поширок од него, со широчина нешто под 2 метри.
Овие чудни пропорции се овозможени од погонот, бидејќи електричните мотори вградени во тркалата им овозможуваат тие да се поставени на рабовите на возилото, што е и причината за значително големиот простор во кабината.
Возилото ќе има 6 седишта - првите два реда ќе се состојат од индивидуални седишта кои ќе можат да се ротираат за да бидат свртени едни кон други, додека задните 2 седишта се клупа слична на кауч.
Кабината ќе биде исполнета со екрани чувствителни на допир, како и технологија за проектирање на слики на страничните стакла.
Како и Mirai и останатите водородни горивни ќелии, возилото ќе може да биде наполнето до крај за околу 3 минути. Од Toyota велат дека за време на тестирањето, концепт моделот можел да патува до 1000km со еден резервоар.