Honda ја претставија продукциската верзија на нивниот нов saloon модел Insight, кој ќе биде ривал на Toyota Prius и во продажба ќе се појави следната година.
Insight е базиран на истата платформа како сегашниот хечбек Civic и напојуван по последната верзија на хибридниот погон IMA (Integrated Motor Assist) на Honda, кој е комбинација од 1.5 литарски бензински мотор со електричен напојуван од литиум-јонска батерија.
Потрошувачката на овој модел се очекува да биде поголема од 21km/l, што ќе го постави на скоро исто рамниште со Toyota Prius (22km/l) и Kia Niro (20km/l.)
Дизајнот има елементи на купе, особено гледано од профил, а на предницата доминираат предната решетка и тенките LED фарови. Новиот Insight ќе има 5 седишта, а бидејќи батериите се поставени под подот, багажникот е голем и може да се прошири со спуштање на задните седишта (кои можат и делумно да се спуштат со поделба 60/40)
Honda Insight треба да се појави на американскиот пазар летото 2019-та, а сè уште не е познато дали компанијата има планови да го продаваат овој модел и во Европа, каде следниот нивни хибриден модел кој треба да се појави во продажба ќе биде CR-V.