Mercedes го претставија нивниот прв saloon модел од A-Class, кој ќе биде ривал на Audi A3 saloon и треба да се појави на пазарот на почетокот на 2019.
Ова ќе биде 4-тата генерација на A-Class, која ќе биде и попрактична од претходната со зголемување на просторот во багажникот за 50 литри, кој сега ќе изнесува 420 литри. Верзијата наменета за кинескиот пазар ќе има за 60mm подолго меѓуоскино растојание, додека кај „нормалната“ тоа ќе изнеусва 4609mm, само 7mm пократко од поголемата C-Class.
Остатокот на дизајнот е превземен од A-Class хечбек моделот, од кои најзабележливи елементи редизајнираната предница со потенките LED фарови, како и пониската поставеност на задните фарови.
Внатрешноста е идентична со онаа од хечбек верзијата, со последната верзија на infotainment системот MBUX (Mercedes-Benz User Experience) и дигиталните дисплеи. За прват дисплејот за сателитската навигација вклучува и подобрена реалност (augmented reality), која прикажува навигациски инструкции врз мапата во реално време.
Изборот на моторите исто така ќе биде идентичен на оној од хечбек моделите, што значи дека ќе бидат понудени 3 трим нивоа – SE, Sport и AMG Line.
Купувачите ќе имаат избор од еден дизел и 2 бензински 4-цилиндрични мотори. 1.5 литарскиот дизел ќе има моќност од 115 коњски сили и потрошувачка од над 29km/l, а ќе биде понуден и нов 1.33 литарски турбо бензинец од 163 коњски сили, како и 2.0 литарски турбо мотор од 225 коњски сили.
Mercedes-AMG, пак, ќе развива две верзии од овaa верзија на А-Class – A 45 со 405 и А 43 со 305 коњски сили.